Spiddari 100 gr. di mennuli duci ( 'nà triina amari) 'nta acqua càuda e pistàrili fini fini 'ntôn murtaru cû iancu d'un ovu. Passari ô sitacciu 300gr. di ricotta e mmiscàricci i mennuli pistati; juncìricci 100 gr. di zùccaru, 5 ova sbattuti (5 tulla e i 4 ianchi ristati) e ciàuru di scòrcia di limuni. Mèttiri tuttu 'u 'mpastu 'nta 'nu stampu cunnutu di burru e spurviratu di pani 'rattatu: mittìrilu ô furnu, ma sirvìrilu friddu.
