Bàstanu 250 gr. di farina, 150gr. di burru, 3 ova, 150 gr. di zùccaru, un litru d' acqua, ògghiu pi frìjri e sali.
'Nta 'na cazzalora di mettunu acqua, zùccaru, burru e un pìzzicu 'i sali e si passa ô focu sinu a chi bugghi. Poi si leva e si junci 'a farina 'rriminannu forti finu a chi s'assorbi tutta. Si rimetti 'a cazzalora supra 'u focu a caluri mudiratu e si cuntìnua a 'rriminari sinu a quannu 'a pasta si stacca du funnu.
Sduvacari 'a pasta supra un marmu cunnutu d'ògghiu, cummigghiàrila cu 'na sarvietta e fàrila 'rrifriddari.
Quannu 'a pasta è fridda ca si pô maniari, si jùnciunu l'ova, unu pi vota, travagghiannu finu a quannu su' boni 'mpastati. Poi fari bastuncini 'rossi quantu un ghìritu e longhi 'na dicina di cm., 'ccucchiari i punti furmannu braccialetti chi si frìjunu 'nta ògghiu bugghienti.
