200 gr. di ricotta frisca, 100 gr. di zùccaru, 4 ova, 150gr. di furmaggiu friscu, passulina, cannella e cucuzzata q.b.
Passari tri voti 'a ricotta ô sitacciu. Sbàttiri i suli ianchi dill'ova finu a chi mùntanu, juncìricci i russa cu furmaggiu friscu 'rattatu e sbàttiri di novu; poi mittìricci passulina, cannella e cucuzzata a piaciri.
Cùnniri 'na cazzalora cu saimi e spurviràrila poi di muddica di pani 'rattatu; mettiri tuttu 'u 'mpastu ddà intra e spurviràrilu puru di supra a supra câ stissa muddica di pani 'rattatu.
Còciri a focu lentu di sutta e di supra (cu carbuni supra 'u cupèrchiu), o mègghiu ô furnu assai leggiu.
