Si pripara 'nta 'na pignata 'ranni 'u brodu di jaddina, 'nsapurutu di pocu sali, di àccia, putrusinu, cipudda, e carchi pummadoru, e câ junta di ficateddi, cori e frattagghi di jadduzza.
Quannu 'ajaddina è cotta, si scula 'u brodu chi si rimetti a bùgghiri pi còciri 'u risu; 'a jaddina si disossa e si fa a pizzudditta chi si jùnciunu cû risu appena è al denti (e si scinni 'apignata).
Ora si pripara 'na tìgghia cunnuta; d'ògghiu e spurvirata di pani 'rattatu: un sôlu di risu, ficateddi, cori e frattagghi e carchi pezzu di caciucavaddu; poi risu, e supra supra, ' a conza, chi è 'na sarsina fatta di russa d'ova sbattuti (pi ogni tri russa un iancu), picurinu 'rattatu, sali e spezzi.
Passari ô furnu finu a chi 'a consa si 'ndora e si 'ncrusta.
