'Ngredienti (pi quattru pirsuni): 400 gr. di spavetti, 50 gr. di burru, 4 filetti d'anciovi salati, 150 gr. d'alivi nìuri, 2 spicchia d'àgghiu, 'na cucchiarata 'i chiàppiri, 200 gr. di purpa di pummadoru, un mazzittu 'iputrusinu, ògghiu e sali q.b.
Fari rosulari i du' spicchia d'àgghiu ffiddiatu finu e i filetti d'anciovi 'nta 'na para 'i cucchiara d'ògghiu e 'na nuci 'i burru; juncìricci l'alivi senza nòzzula e ffiddiati, i chiàppiri tritati, 'a purpa di pummadoru sminuzzata, e còciri 'a sarsa p'un quartu d'ura quasi.
Còciri 'ntô mentri i spavetti, sculàrili e cunnìrili câ sarsa, e all'ultimu spurviràrili cu tantu putrusinu tagghiuzza tu finu finu.
