Fari a pizzudda un jadduzzu (livannu testa e zampi) e mittìrilu 'n padedda cu ògghiu, spìcchia d'àgghiu e putrusinu tagghiuzzatu.
Intantu mettiri supra 'u focu 'na pignata cull'acqua.
Quannu i pizzudda dû jadduzzu su' quasi rosulati, juncìricci du' cucchiarati 'i burru e 'na spurviratedda di sali e di spezzi; poi livàrili dâ padedda e jttàrili 'nta l'acqua bugghienti.
Ora è tempu di calàricci 'u risu; 'rriminari di tantu 'n tantu, e quannu 'u risu è cottu, spurviràrilu di tantu picurinu 'rattatu e mministrari càudu.
