700 gr. di pasta zitu; un mazzittu di finocchi sarvaggi; 1 Kg di sardi frischi; 'na cipudda 'rossa; 100 gr. di passulina, 100 gr di pignoli, 1 biccheri d' ògghiu, un pìzzicu di zaffaranu e sali quantu basta. Còciri 'u finocchiu sarvàggiu e scularilu senza jttarl 'u brodu.
Mettiri a suffrìjri 'nta 'na cazzalora ' a cipudda tagghiata fina, poi si jùnciunu i sardi senza spini e lavati boni e si 'rrimìnanu sdillacciànnuli. Tagghiari fini fini i finocchi cotti e mittìrili 'ntâ cazzalora assemi ê pignoli, â passulina, ô spezzi, ô sali e ô zaffaranu.
Còciri ' a pasta zitu 'ntô brodu dî finocchi sarvaggi 'na pocu 'llungatu cu acqua, e sculàrila quannu ancora è al denti.
' A pasta cotta si 'rrimina 'ntâ cazzalora chî sardi e si lassa ripusari un pocu.
Mettiri tuttu 'nta 'na tìgghia spalmata d'ògghiu e tinìrila 'ntô furnu carchi minutu.
