Pi se' pirsuni, un chilu di trippa bugghiuta e tagghiata a ffidduzzi lungarini, chi si fannu suffrìjri 'ntôn battutu di cipudda dopu chi si junci ' a purpa di tri pummadoru.
Tagghiari a ffidduzzi lungarini 'na para 'i milinciani cu tutta 'a scòrcia, e fàrili 'ndorari 'nta ògghiu bugghienti.
Mettiri 'nta 'na tìgghia un sôlu di trippa e un sôlu di milinciani, e pi ogni sôlu ffeddi di ova bugghiuti e pizzudda di picurinu friscu; finiri supra c'un sôlu di trippa spurviratu di picurinu 'rattatu e passari a furnu càudu pi deci minuti.
