' Ngredienti: 400 gr. di nnunnata, 1 Kg. di bròcculi, 3 cucchiara di furmaggiu picurinu 'rattatu, 50 gr. d'alivi ianchi senza nòzzula, 1 spìcchiu d'àgghiu tritatu, spezzi, sali, ògghiu e putrusinu.
Bùgghiri al denti i bròcculi, sculàrili, cunnìrili, cu ògghiu 'bbunnanti, giràrili boni e mittìrinni un solu 'nta 'na tìgghia.
Dopu aviri lavatu e pulizziatu per beni 'a nnunnata, facìtila sculari e poi 'nta 'na 'nsalatera mmiscàtila cu sali, alivi, spezzi, putrusinu e assai furmaggiu 'rattatu; 'rriminàtila per beni e poi faciti supra i bròcculi un solu di nnunnata cunzata, poi di supra, n'àutra vota bròcculi e furmaggiu, e 'ccussì di seguitu sinu a finirì chi bròcculi e cu 'na bona 'rattata di furmaggiu.
'Na 'ncilicatedda o furnu, e 'a pitanza è pronta.
